Víkingasagan.

Það var fyrir rúmum 1000 árum sem víkingar numu þetta land. Þessir víkingar höfðu sitt viðurværi af því að ræna og rupla um allan heim með ofbeldi og drápum. Þeir höfðu því engan samastað þar sem enginn vildi með þá hafa.  Ísland var því fyrir valinu því þar var fátt um fólk ef það hefur verið hefur það eflaust þá lítið fengið að tjá sig um veru þeirra.

 

Víkingarnir tóku með sér þræla, sumir þessara þræla komust undan með beitingu bellibragða og tókst að lifa á auðlinum landsins á afskekktum stöðum.  Þjóðin byggðist því upp á Víkingum og þrælum, þó var þar líka einn stofn sem eig óx skegg en þeim stofni var líklega útrýmt.  Í fæðingu logaði þessi þjóð í deilum menn voru höggnir í herðar niður í nágrannaerjum.

 

Ef einhver var með ofríki þá mynduðu aðrir með sér fóstbræðralag til að klekkja á sameiginlegum óvinum.  Sem betur fer voru þessir víkingar fljótir að átta sig á því að svona læti gengu ekki til lengdar og stofnuðu alþingi til að ræða málin. Kristin trú var tekin upp og uppgangurinn hófst.

 

Það voru margar brekkur í uppgangnum Konungar notuðu landið sem skiptimint í millilandadeilum. Eldgos og hamfarir voru tíðir gestir hér á landi. Erfiðustu harðindin ollu miklu mannfalli og flótta svo aftur þurfti að reisa upp þjóð. Smæð þjóðarinar gerði baráttuna erfiða en lítið var hinsvegar um ferðamenn á þessum tímum.

 

Þjóðin varð bændaþjóð en þó voru þeir sem ekki nenntu að vinna sendir á sjóinn til fiskveiða.  Tuttugasta öldin breytti tölvert högum Íslendinga.  Heimskreppan kom bændur fluttu á þéttbýlari staði og fóru á sjóinn, nema þeir sem ekki nentu að vinna.  Seinni heimstyrjöldin  þar sem reynt var að útrýma gyðingum í lok heimskreppunar kom og fór.

 

Þjóðin auðgaðist á auðlindum hafsins og enn í dag er hægt að skipta þjóðini í tvo megin hópa. Víkinga og þræla. Víkingarnir tóku aftur upp á því að fara ránsferðir erlendis og fengu til þess stuðning frá lýðræðislega kosnum fultrúum þjóðarinar. Svo var reyndar þjóðin hissa þegar aðrar þjóðir fóru að kalla okkur hryðjuverkamenn.

 

Mér er því spurn hvort næstu Hitlerar setji ekki Íslendinga á sinn útrýmingarlista, því ljóst er að rán víkingana hefur áhrif á hag margra landa. Nú þegar þjóð sem áður var reynt að útrýma reynir að útrýma annari þjóð efast ég um að auðvelt verði að biðjast afsökunar á þessum þjófnaði meðan ekkert er gert til að refsa þeim.

Hryðjuverkalög stöðva hlutabréfaviðskipti

Athugasemdir

[Húnbogi Valsson 8.1.2009 kl. 02:24]

Nýjasta söguskýring sagnfræðinga er að ránsferðir víkinga hafi byrjað vegna þess að kristnar þjóðir settu viðskiptabann á þær þjóðir sem ekki voru kristnar. Það varð til þess að nokkrir framtakssamir menn frá norðurlöndunum "þvinguðu" íbúa Bretlandseyja til "viðskipta", þangað til norðurlöndin neyddust til að taka kristni, til að aflétta þessari útilokun frá öðrum þjóðum. Kannski evrópusambandið sé staðgengill kristninnar núna svo að þá er sagan að endurtaka sig núna.

Talandi um hina fornu víkinga, þá hef ég alltaf verið vantrúaður á að þeir hafi upp til hópa verið óðir sjóræningjar og barnamorðingjar. 

[Sigurbjörg, 9.1.2009 kl. 10:03]

Ef tekið væri á þessum mönnum líkt og hjá öðrum þjóðum þá kæmu strax önnur viðbrögð í garð okkar Íslendinga.

[egvania, 15.1.2009 kl. 21:51]

Þakka þér fyrir inn innlitið Starri.

Kveðja Ásgerður