Handrukkarafélag Íslands stofnar sitt eigið stéttarfélag.

Þetta var reyndar skrifað áður en herinn fór en á jafnt vel við núna. 

 

 

 

Viðræður um veru varnarliðsins hafa tekið óvænta stefnu og jafnvel hugsanlegt að herinn verði um kjurt.

 

CIA hafa verið á sveimi hér að skoða aðstæður til uppsetningar pyndingarstöðvar hér á Íslandi.

 

Ekki er ljóst hvort eða hvar álitlegast sé að reisa þessa stöð þó segja CIA að Ísland sé nú efst á listanum sökum hagstæðs rafmagnsverðs, en eru þó nokkrir lausir endar óbundnir.

 

Helsta hindrun hér er sú krafa Íslendinga um að fá að stunda hvalveiðar á ný.

Bandaríkjamenn eru ekki í stakk búnir til að líða slíka meðferð á lifandi verum hafsins.

 

Ef hinsvegar Íslendingar fallist hinsvegar á gagntilboð um að krafan um hvalveiðar víki, eru þeir tilbúnir að ganga til baka með brottflutning herafla síns héðan.

Staðarvalið er en óákveðið þó eru þeir staðir sem bjóða sjóðandi hveri taldir líklegastir.

 

Það Sveitarfélag er hreppir hnossið ætti að hagnast verulega þar sem mörg störf skapast í og við slíkan iðnað þó sér í lagi í heilbrigðis og kristilega geiranum.

 

Íslenskir fagmenn á þessu sviði verða eftirsóttir CIA líst vel á starfsaðferðir þeirra, og tæknilegar útfærslur þeirra í hnéborunum eru nú til skoðunnar sem vænleg nýung.


mbl.is Leggur til að fangar verði fluttir til Íslands
Tilkynna um óviðeigandi tengingu við frétt

Undarlegt.

Ég fylgdist með þegar ríkisstjórnin samþykkti þessi ólög. Eitt vakti samt mikla athygli hjá mér. Það var maðurinn sem stóð í pontu og samþykkti þjóðaratkvæðagreiðslufrumvarpið og lýsti því yfir að hann myndi skrifa undir InDefence næði það fumvarp ekki í gegn.

 

Síðar um kvöldið steig þessi sami maður aftur í pontu og samþykkti sama frumvarp og hann ætlar að biðja forsetann um að hafna. Hvernig geta menn samþykkt eitthvað en um leið ætlast til þess að aðrir hafni?


mbl.is Undirskriftir yfir 49.000
Tilkynna um óviðeigandi tengingu við frétt

Eru varnir landsins að breggðast?

Mér fannst alltaf gaman af auglýsingu Kaupþings þar sem lítið var gert úr Breska heimsveldinu á kostnað íslenskrar útrásar.  En nú virðist sem svo að varnir okkar gegn Breska heimsveldinu séu að bresta. Fyrst brugðust bankarnir er í ljós kom að undirstaðan var bara fúasprek.

  

Nú í kvöld brást ríkisstjórn okkar þannig að okkar eina von er forsetinn og samstaða. Ég vona að undirstaða forsetans sé ekki byggð úr sama fúaspreki og bankarnir byggðu á en standist hann áhlaupið þarf sveltandi þjóðin að sýna samstöðu um neiið sem ríkistjórnin klikkaði á.


Nýtt Ísland ehf

Afhverju getum við ekki bara stofnað nýtt Ísland og sett það gamla í skilanefnd?
mbl.is Skuldugasta þjóð á byggðu bóli
Tilkynna um óviðeigandi tengingu við frétt

Gleðileg Jól.

Offari group sendir öllum vinun nær og fjær (aðalega fjær) innilegar jólakveðjur og takk fyrir alla pakkana.


Efasemdamenn Íslands.

 

 

Ferð sem átti að vera til Akureyrar hafði óvæntann endir.

 

Síðasta sumar fór ég í ferðalag á mínum gamla vörubíl sem ég kalla yfirleitt Gamla Rauð. Ferðin var upphaflega hugsuð til að ná í járn sem ég ætla að nota í húsbyggingu mína á Austurlandi. Gamli Rauður er nú ekki snar í förum enda er hann kominn á efri ár og ætti því frekast heima á safni. Farið var árla morgunns á stað því þó að vegir séu orðnir góðir þá var bíllinn framleiddur löngu áður en búið var að finna upp slétta veg, og því ekki gerður fyrir þau akstursskilyrði.

 

Eitthvað var um punteringar á leiðinn, og þurfti ég að koma við í Mývatnssveit, þar fékk ég mér bætur og auka slöngu. Þegar ég var að fara út úr þorpinu tók ég eftir að kona í hvítum kjól var á puttanum af prakkaraskap ákvað ég að stoppa til að bjóða henni far. Þess skal nú getið að Gamli Rauður byrjaði æfi sína sem fiskflutningabíll á síldarárununum og ekki hafði en verið búið að ná fýlunni úr honum því hentaði hann ekki fyrir hvíta kjóla enda er Rauður aðalega notaður til að fara með rusl og í önnur óþrifaverk.

 

Mér til mikillar óánægju var kona þessi karl með skegg, og ekkert of snirtilegur til að ferðast með í Gamla Rauð. Áður en ég spurði, spurði hann mig hvert ferðinni væri heitið? Ég sagðist vera á leið til Akureyrar, hoppaði hann þá uppí og sagði ég kem með. Nú var ekið á stað og fór ég að spjalla við kauða spurði hann hvaðan hann væri? Frá Nasarett svaraði hann um hæl. Svarið stóð í mér enda átti ég ekki von á öðru en að hér væri Íslendingur á ferð, því hann var ekki með neinn farangur, og talaði lítalausa Íslensku.

 

Því næst spurði ég hvað hann væri búinn að vera lengi á Íslandi? Aftur var svarað um hæl ég var að lenda sagði hann og glotti. Hví glottir þú? spurði ég, nú reyndar var mér hætt að lítast á blikuna. Þú hefur greinilega ekki hugmynd hver ég er sagði hann á móti, nú lagði ég höfuðið í bleyti átti ég að kannast við hann? Var hann frægur poppari eða leikari? Ekki loguðu nein ljós hjá mér því jánkaði ég. Ég er Jesús frá Nasarett sagði hann og sýndi mér örin á höndum sínum.

 

Nú varð ég sveittur enda komin með geðveikann ruglukoll í bílinn þagði ég enda allveg orðlaus en Jesus spurði ertu efasemdarmaður? og glotti aftur. Jánkaði ég því enda taldi ég tilgangslaust að reyna annað því Jesús sæi örugglega í gegnum mig. Þú myndir ekki sjá mig ef þú trúðir ekki, sagði Jesús og hló.

 

Við vorum staddir við másvatn því þótti mér kjörið tækifæri að stoppa og sagði við hann hvort hann vildi ekki fá sér smá göngutúr á vatninu. Jesus fór úr bílnum og labbaði að vatninu og baðaði sig í vatninu. Nú greip ég tækifærið og hringdi í 112 og tjáði þeim söguna og spurði hvort einhver hafi sloppið af kleppnum.

 

Trúlega hef ég bara lent á 118 því þau gáfu mér bara samband við klepp og þurfti ég því að endurtaka alla sólarsögunna þar tjáði mér geðlæknir að ég yrði að halda uppi samræðum við manninn og koma með hann á kleppinn. Jánkaði ég þessu án þessa að hugsa út í það að þarna væri ég búinn að lofa upp í erm mína, enda tölverð keyrsla fyrir Gamla Rauð, og óvíst að honum entist æfin í svo langa ferð.

 

Jesús kom nú aftur í bílinn skraufa þurr og tandurhreinn nú var ég ófeiminn og fór straks að gantast við hann spurði hversvegna henn hefði ekki gengið á vatninu? þá svaraði hann á móti að vatnið hafði verið of blautt og glotti aftur. Ekki fór ég að þræta við Jesús enda taldi það vera ógerlegt, heldur hélt áfram að spyrja nú vildi ég vita hvaða erindi hann ætti til Íslands? Aftur svaraði Jesús að hann væri að vinna sérstakt verkefni, sem væri trúnaðarmál svör hans voru svo ákveðin að ekki gat ég með nokkru móti séð að hann væri að fatta að ég væri að atast í honum.

 

Haldið var áfram og mikið spjallað kom mér mjög á óvart hvað Jesús vissi mikið um mín mál. Er við vorum á Fljótsheiðinni komum við að ljótu slysi þar sem fólksbíll hafði farið út af veginum og á miðjum veginum stóð grátandi stúlka. Ég stoppaði Jésús sagði mér að hugga stelpunna og ég gerði það. Leit svo á bílinn þá áttaði ég mig á að það var kraftaverk að þessi stúlka var á lífi.

 

Fljótlega komu fleiri að þessu slysi og ákvað ég þá að halda áfram för minni. Gamli Rauður hafði nefnilega ekki mætt í skoðum svo árum skipti því þótti mér best að forða mér áður en lögreglan kæmi.

 

Áfram var haldið Víkurskarðið hafði ávalt reynst Gamla Rauð þrautinni þyngri, enda var hann yfirleitt smeikur við brekkurnar. Því kom mér það spankst fyrir sjónir að sjá Gamla Rauð fara upp skarðið, án þess að hiksta, og ekki þurfti að stoppa til að kæla skrögginn.

 

Á Akureyri vildi hinsvegar svo óheppilega til að lögreglan þurfti endilega reka augun í það að Gamli Rauður hafði ekki verið skoðaður síðan 1993. Ég var stoppaður og mér bent á það sama, sagði ég þeim alla söguna og að ég yrði að fá að koma þessum geðsjúkling á klepp.

 

Lögreglumaðurinn leit inn í bílinn hristi svo hausinn og sagði það er enginn í bílnum. Þá varð mér ljóst að þessi lögregluþjónn var efasemdar maður og gat því ekki séð Jesús. Tjáði ég þessum syndasel að ekki væri furða að hann sæi ekki guðssoninn þegar hann væri svona illa innrættur.

 

Samkomulag náðist með herkjum að ég færi með bílinn í hvelli í skoðun. Farið var með Gamla Rauð í skoðun ekki átti ég von á góðu enda er skröggurinn orðin frekar músétinn. Skoðunnarmaðurinn hristi haus sinn all verulega er hann sá Gamla Rauð, því sá ég ástæðu til að segja honum sögu mína.

 

Þrátt fyrir að maður þessi væri efasemdar- maður, sem ekki gat séð frelsara okkar lét hann mig fá skoðun á bílinn, svo að ég gæti komið Jesús á klepp. Ferðin til borgarinnar gekk nú greiðlega, enda var ég með Guðssoninn í bílnum, og rataði ég beint í borgina.

 

Staðnæmdi ég Gamla Rauð fyrir utan klepp, og fór með Jesús inn. Þar talaði ég við læknir sem var reyndar frekar vantrúaður líka. Þar sem enginn hræða á klepp sá Jesús varð ég að fylgja honum í meðferð þessari og en eru eintómir efasemdarmenn hér því kemst ég ekki heim um Jólin.

  

Olía á eldinn.

Ég flutti til Eskifjarðar 2006, Ekki vildi betur til en skömmu eftir að hraustmennið ég flutti þangað fór að bera á veikindum hjá mér.  Snögg og stórhættuleg ofnæmisköst  sem reyndar hurfu sem betur fer aftur.  Síðar fékk ég æðabólgur þar sem ég þurfti  á daglegu lækniseftirliti að halda.

 

Dóttir mín fékk svo hitakrampa þar sem læknir þurfti að fylgja henni í sjúkraflug.  Umræddur læknir er kannski enginn kraftaverkamaður en viðmót hans tel ég hafa gert stóra lukku. Hann var alltaf tilbúinn til að koma til hjálpar og því ekkert óeðlilegt við það að því fylgdi mikil yfirvinna.

 

Enn eitt dæmið um hve annt honum var um sína sjúklinga var að er ég lenti í því óhappi að missa hús mitt hringdi hann í mig og bauð mér hjálp við að leita að húsnæði.  Þessi læknir hefur hinsvegar aldrei beðið um neitt í staðinn.  Því fannst mér ósmekklegt að hlusta á forstjóra HSA  segja að hann væri  notfæra sér sína  skjólstæðinga sér í eigin þágu.

 

Læknirinn myndi aldrei hafa í hótunum við sína skjólstæðinga.  Þetta viðmót finnst mér ósmekklegt enda hefur máli á hendur þessa læknis tvívegis verið vísað, þar sem hann er sakaður um einhverja rangfærslu sem mér skilst að hafi verið leiðrétt að beiðni hans áður en rannsókn á honum  var gerð.

 

Ég hélt að þetta væri hrepparígur og nú skil ég hvernig þessum forstjóra tekst alltaf að kynda undir hvimleitt mál er varðar mann sem reynst hefur skjólstæðingum sínum vel.


Hver borgar afskriftir skulda heimilina?

Ég hef verið mjög hlyntur því að afskrifa skuldir til að koma hagkerfinu aftur í gang.  Ég hef þá verið spurður hvort ég vilji borga skuldir annara, svar mitt hefur alltaf verið nei.  En spurnigin á því miður engan rétt á sér því spurningin á milku frekar að vera svona.  Hvort viltu endurreisa landið á hæfilega skuldugum heimilum eða gjaldþrota heimilum?

 

Svar mitt við þeirr spurningu er að sjálfsögðu vill ég ekki endurreisa landið á ónýtum grunni.  En næsta spurning er líka hver borgar afskriftir skulda heimilana? Ég held að svarið sé enginn.  Hvert verður tap bankana á því að afsrifa skuldir heimilina? Ég held að það verði ekkert heldur því jafnvel þótt höfuðstóllinn verði lækkaðaður ná bankarnir oftast inn upphaflegu lánsfé og rúmlega það.

 

En ef við snúum svo dæminu við hvað gerist ef ekkert verður afskrifað. Gera má ráð fyrir að mikill hluti heimila fari á hausinn og bankarnir sitja uppi með illseljanlegar eignir því fáir kæra sig um að taka lán sem þeir þurfa svo að borga marfalt til baka.  Bankarnir lenda líka í klípu ef þeir ákveða að fara út á leigumakað með þær fasteignir sem þeir ná inn.

 

Því það eru margir sem eiga umframbirgðir af húsum  sem þeir geta borgað af með því að legja þær út. Fari bankar líka að stunda þann rekstur er hætt við að leiguverð lækki og leigusalar missi getuna til að borga af sínum húsum.  Bankinn hefur því ekki efni á að hafna afskriftum.

 

Sumum er kannski ekki viðbjargandi en samt tel ég að ef lánin verði lækkuð nægjanlega mikið geti hagkerfið aftur komið í gang. Fasteignaverð mun lækka en lækkunin verður mun meiri fari heimili í stórum stíl á hausin. Bankarnir verða fyrir tekjumissir en þeir geta komist hjá tapi með því að afskrifa lánin hæfilega.  En hvað sé hæfileg lækkun veit ég ekki en samt tel ég hana vera mun meiri en þau 20% sem framsókn vildi bjóða okkur í vor.


Ferkantaðar ljósaperur.

Stuttu eftir að Jón Baldvin fékk „allt fyrir ekkert“  flutti fyrirtæki sem ég vann hjá inn tvo trailervagna frá bandaríkjahreppi og hugðist skrá þá hérlendis.  Vandamálin við skráninguna fólust helst í því að vagninn var með hringlótt ljós.  En „Allt fyri ekkert“  fór fram á að ljósin væru ferköntuð.

 

Þarna fannst mér staðlarni vera full grófir ekki það að ég hafi neitt á móti stöðlum en þeir meiga samt ekki skaða hönnunarfrelsið.  Á þessum tím var ekki búið að finna upp ferköntuðu ljósperuna svo í raun var ekki hægt að sjá úr fjarlægð hvort ljósin voru hringlótt eða ferköntuð.

 

Kaninn var líka með staðla. Tildæmis held ég að aðeins tvær gerðir að aðalljóskerjum hafi verið notaðar á Amerískum bílum frá ca 1940 til ca 1975.  Þetta voru fjögra og sex tommu hringlótt ljós sem einkenndu flesta bíla á þessum árum.  Evrópubílar voru þá hinsvegar með sérstökum ljósum  sem þeir þurftu svo að afbaka á sínum bílum ef þeir vildu selja þá í Bandaríkjahreppi.

 

Sem dæmi get ég nefnt Bjölluna, Bensinn og Peugotinn sem fór flatt á þeim útlitskröfumm sem kaninn gerði.  Ég held reyndar að allir lósastaðlar sem takmarki útlithönnunini séu nú horfnir þótt vissulega sé ljósmagnið ennþá samkvæmt reglum. Eignig hefur verið nýbætt þeirri reglu að bílar skulu vera þannig hannaðir að jafnvel konur geti hugsanlega skipt um ljósaperur í aðalljóskerum bílana.

 

Við byggingu álvers Fjarðaáls flutti Bechtel inn nýja Ameríska vörubíla sem aldrei fengu samþykkta skoðun frá íslenskum skoðunarstöðvum sökum þess að ökuritar þeirra væru ekki framleiddir með leyfi Evrópusambandsins. Ég held að til séu mun fleir dæmi um fáráleik ESB staðlana, Ég er tildæmis ekki svo viss um að glóðarperubannið sé eitthvað umhverfisskaðlegra en gasperuskildan.

Eitt skýrasta dæmið um það hve staðlar geti haft neikvæð áhrif eru McDonald staðlarnir. Þar átti kúnninn að geta treyst því að fá sama bragðið hvar í heiminum sem hamborgarii var keyptur.  Þegar reynt var að bjóða Íslendingum þessa stöðluðu borgara, kom í ljós að eingöngu var hægt að selja þeim sem voru vanir góðu hráefni var að höfða til barna.

 

Börnin borðuðu ekki borgaraana en þeim fannst leikföngin heillandi.


mbl.is Lántökur Evrusvæðis hálfu lægri en hjá Bretum og Íslendingum
Tilkynna um óviðeigandi tengingu við frétt

Ímynd Íslands mun skaðast

McDonalds að hætta.. Þetta mun skaða ímynd landsins. Það er því spurning hvort erlendir ferðamenn fást til að koma til landsins ef þeir frétta að hér fáist ekki McDonalds. Nú er bara spurning hvort botninum séð náð eða hvort kókið hverfur líka.    
mbl.is McDonalds verður Metró
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband