Elfimt efni.

.  Einhverjar brotalamir virðast vera nú hjá Brunavörnum bloggheima. Oft logar hér stafnana á milli án þess að nokkuð sé gert í að slökkva bálið. Nú logar í kringum Loft fyrverandi formannsframbjóðanda. Ástæðan eru ummæli hans er hann var að svara Jóni Vali Jenssyni. Svo það kom fram að minni hálfu fannst mér þessi ummæli hans ósmekkleg. 

 Jón Valur hefur eytt þessum umælum en samt virðast menn sjá ástæði til að endurbirta þau á sínu bloggi, þrátt fyrir að þeir telji það ekki birtingarhæft. Því túlka ég allar slíkar endurbirtingar til þess gerðar að niðurlægja Loft og því jafnvel ósmekklegra en það sem hann sagði er honum var heitt í hamsi. Nú ber hinsvegar svo við að Jón Valur hefur þurft að eyða frá mér óhæfu innleggi sem ég missti út úr mér í hita leiksins, þannig að mun erfiðara er fyrir mig að dæma aðra þegar ég hef sjálfur gerst sekur um að leika mér að eldinum. Ritstjórn bloggsins hefur líka beðið mig um að fjarlægja athugasemdir við blogg mitt.

 Nú vilja menn bera þetta  saman við er DoctorE var bannaður og vilja setja bann á Loft líka. Ég treysti mér ekki til að bera saman þessi mál en þar sem ég veit að DoctorE trúir á Guð, Vil bara minna hann á að Jesú sagði eitt sinn að sá sem syndlaus væri mætti henda fyrsta steininum. Ég hef samt einhvernveginn trú á því að væri hann uppi núna myndi hann segja að sá sem væri siðlausastur mynda allta byrja að grýta. Farið varlega með eldinn því hér er mikið að eldfimu efni.     


Verða útrásarvíkingarnir sekir um morð.

Niðurskurðir í heilbrigðismálum getur kostað að ekki verður lengur hægt að bjarga þeim manslífum sem áður var hægt að bjarga.  Þá er það orðið spurning hvort ekki megi dæma þá sem ollu þessu hruni fyrir manndráp.  Mér finnst þetta bara vera spurning um það hvenær ríkisvaldið fer að taka á þessu en ekki hvort.  Ég trúi því ekki að þessir menn fái að ganga lausir.

 

Nú er bara að panta ísbrjótinn.


mbl.is Flatur niðurskurður hættulegur
Tilkynna um óviðeigandi tengingu við frétt

Þiggjum Norska lánið.

Norðmenn eru tilbúnir til að lána okkur. Tilhvers erum við þá að láta ags og icsave kúga okkur?  Getur verið að ríkisstjórn sé viljandi að láta kúga okkur?  Er Samfylkingin svo ákveðin í að koma okkur í Esb að hún láti visvitandi kúga okkur til að neyða okkur inn í Esb?  Eitthvað er undarleg hér á seiði.

 

Ef við þiggjum þetta lán losnum við við Icsave kúgunina og fáum mun betri samningsaðstöðu.  Sama má segja um Esb samninginn. Ég tel okkur þar vera í betri samningsstöðu ef við losnum við ags kúgunina.  Ég hef verið hlynyir þjóðstjórn strax frá hruni. Sú hugmynd var rædd þá en  samfylkingin hafnaði þeirri hugmynd.

 

Ég vildi að nú tæki við þjóðstjórn sem hugsaði líkt og Ögmundur talaði í kastljósi nú í kvöld. Þing sem koðaði allar leiðir og veldi bestu leið án tilliti til flokkslína. Því ég er sannfærður um að þingmenn hafi vilja og getu til að leiða okkur út úr þessum vanda en flokkslínur hindra þá.

 

Þótt við séum sundruð þjóð með mismunandi skoðanir getum við vel sameinað kraftana.  Ég hef litla trú á að hægt sé að komast út úr þessu án þess að menn þurfi að færa fórnir. Ég vona í framtíðini getum við sagt börnum okkar  með stolt hverni tókst að bjarga því að þau þyrftu að líða fyrir glæp sem þau frömdu ekki.


mbl.is Ögmundur segir af sér
Tilkynna um óviðeigandi tengingu við frétt

Núna brenna víst bloggheimar.

Heyrist núna vinstri væl
væl um bloggheim flæðir
Endurkoma karls með stæl
kratana nú hræðir

Davíð með sitt penna pár
prentar í sinn mogga
Þjóð sem hér í þúsund ár
þurft hefur að blogga.

Rís nú upp og ritar hér
raup úr sínum goggi.
Lýðurinn þær línur sér
sem lokaorð á bloggi.


mbl.is Davíð og Haraldur ritstjórar
Tilkynna um óviðeigandi tengingu við frétt

Ég hata ekki Davíð Oddson..

Ég veit vel að ekki eru allir því sammála. En það er nú samt óþarfi að æsa sig. Mér finnst Davíð hafa staðið sig vel sem bogarstjóri og forsetisráðherra. Honum tókst reyndar ekki að koma í veg fyrir hrunið er hann var seðlabankastjóri en ég hef fulla trú á að hann hafi gert sitt besta.

Ég hef trú á því að kreppan hefði komiði hvort sem Davíð hefði fæðst eður ei. Því er ég á þeirri skoðun að kreppan sé ekki honum að kenna. Vissulega er mögulegt að hann hafi gert mistök í sínu starfi líkt og oft hefur komið fyrir hjá mér og mörgum öðrum. Hinn fullkomni maður hefur enn ekki verðið fundinn upp.

Ég óska honum til hamingju með nýja starfið og vona að honum vegni vel.


Upp með 20% afskrift skulda.

Þegar kreppan skall á skall á var mér straks ljóst að eina leiðin út úr þessu óstandi væri afskiftir skulda.  Fyrirtæki og heimili voru ofskuldsett og gátu ekki staðið við sínar skuldbindingar. Betra var að afskrifa strax en að skella öllum í þrot því hagkerfið byggðist á því að sem flestir lögðu hönd á plóg við að halda því gangandi.

 

Ef farin yrði gjaldþrota leiðin myndi þeim fækka sem hefðu getu til að knýja hjól hagkerfisins og áframhald yrði á samdrættinum. Ef skuldir yrðu afskrifaðar myndi gjaldþrotum fækka til muna og fleiri gætu tekið þátt í endurreisnini. Samdráttur myndi minnka eða jafnvel snúast aftur í hagvöxt.

 

Framsókn kom með tilögu um 20% flata afskrift skulda. Mér þótti þessi hugmynd bráðsnjöll en sumum þótti  hún arfavitlaus.  Þeim sem þótti hugmyndin arfavitlaus komu með þær hugmyndir að taka hvert dæmi fyri sig, afturfærslu vísitölunar til 1 jan 2008 lengja lánin og 4 miljón króna flatan niðurskurð skulda.

 

Allar þessar lausnir eru færar en ég er samt á því að 20% afskriftaleiðin sé greiðfærust þótt sumir þurfi líka á hinum leiðunum að halda.  Að meta hvert dæmi fyrir sig er seinfær leið sem ég tel að muni mismuna skuldurum því þeir sem hafa vel rekin heimili fá minni afskrftir en illa rekin heimili.

 

Lánalengingarleiðin er líka seinfær þar sem hvert og eitt dæmi er tekið sér.  Ég er hræddur um að ef þessi leið verður eingöngu fyrir valinu þá muni frosti fasteignamarkaðsins seint slota. Þó tel ég þessa leið nauðsynlega fyrir suma með öðrum leiðum.

 

4 miljóna flatur niðurskurður hjálpa mörgum en ekki endilega þeim sem þurfa hjálp.  Afturfærsla vísitölunar  er greiðfær leið en hefur þann ágalla að sú leið er tekin af ellilífeyrir okkar sem þegar hefur tapað tölvert á hlutabréfabraskinu.

 

20% afskritaleiðin byggist á því að erlendir kröfuaðilar afskrifi kröfur sínar á móti. Þessi leið er vel fær því nú þegar  er búið að semja um 50% afskrift.  20% afskrift eykur líkurnar á því að það náist meira upp í kröfur, gefur líka sanngjarna samkeppnisstöðu.

 

Það er ekki sanngjarnt að Vodafon fá afskifaðar skuldir en Síminn ekki þar sem hann er vel rekinn.  Að skoða hvert dæmi fyrir sig hvetur til vanskila því vanskilin verða alltaf höfð í forgang í þeirri skoðun. Því mæli ég með 20% flötum niðurskurði og lánalengingu til þeirra sem þurfa meiri aðstoð.

 

Framsókn komst ekki í stjórn en þeir geta samt unnið áfram í málinu með því að finna þingmeirhluta fyrir þessari hugmynd. Það gera þeir með því að kynna öðrum þingmönnum betur hugmyndina og ég hef trú á því að hægt sé að finna þingmeirihluta fyrir þessa hugmynd.

 

Fólkið í landinu á alltaf að vera fyrst í forgangsröðun verkefna þingsins. Það er fólkið í landinu sem kýs á þing en ekki bankar og fyrirtæki. Það er fólkið í landinu sem getur endurreist bankakerfið og atvinnulífið. En það er ekki hægt með gjaldþrota fólki.

  
mbl.is Niðurfellingum á skuldum stjórnenda verður vísað til FME
Tilkynna um óviðeigandi tengingu við frétt

Stórasta landið.

 

 

Jæja svo fór sem fór nú geta ofurlaunabullararnir ekki lengur framleitt aura úr peningum sem aldrei voru til. Ég vill benda á þennan pistil http://baggalutur.is/gestapo/profile.php?mode=viewprofile&u=1177&n=5708  þar sem ritarinn bendir  á hvað sú auðlind væri miklu gjöfulli en áliðnaðurinn en ég held að nú sé það áliðnaðurinn sem sé eini möguleiki okkar til að bjarga þjóð vorri frá þeim hörmungum sem nú eru yfirvofandi.

Enkavæðing bankana leit gífurlega vel út. Rótgrónir bankar fóru að sýna hagnaðartölur sem engan óraði fyrir. Ríkissjóður hafði meiri arð af skatttekjum bankana en ríkisbankarnir gáfu í tekjur. Því var hugmyndin ekki vitlaus þrátt fyrir að ævintýrið hafi endað illa. Útrás bankana var of hröð en þarna voru þeir að nýta tækifæri sem þeim bauðst á silfurfati.

Ég er sjálfu tækifærissinni og hefði eflaust fallið í sömu gildru ef ég hefði átt banka á þessum tíma svo ég á erfitt með að dæma þess kauða. Þó hef ég vitað það alla tíð að fjárfestingar fyrir fé sem ekki er til geta aldrei verið arðbærar. Maður einfaldlega getur ekkert gert úr engu því það vita allir sem kunna margföldunnartöfluna að það er sama hvaða tölu menn margfalda með núlli útkoman verður alltaf núll.

Nú er komið að skuldadögum og það eina sem framleiðir peninga í dag er eitthvað áþreifanlegt. Landbúnaðurinn sem hefu staðið illa segist geta fætt þessa þjóð svo þar eru sóknarfæri sem reyndar gera enga ríka en gerir þjóðina sjálfum sér nægja. Bílafloti Íslendinga ætti að duga næstu þrjátíu ár ef menn hætta að pressa nothæfa bíla, svo sjálfstæði landsins er í engri hættu.

Vatnajökull á fjölmörg ár eftir og því um að gera að virkja hann að fullu áður en hann rennur allur til sjávar. Þetta kallar að víst á öfluga stóryðjustefnu þar sem engum tækifærum má hafna. Áliðnaðurinn er tækifæri nútímans sem við verðum að nýta. Ljóst er að sá markaður mettast einhvertíman og eftir það verður ekki hægt að treysta endalaust á þann iðnað.

Ný tækifæri munu koma framtíðin er óráðin en við eigum að nýta þau tækifæri sem í boði eru en ekki að bíða eftir að eitthvað annað komi í staðinn. Krónan okkar er lasin núna sem gerir útflutningsgreinum okkar róðurinn léttari. Á sínum tíma var sjávarútvegurinn nánast okkar eini útflutningur en nú er álið að verða stór hluti líka.

Við vitum vel að hvort tveggja getur fallið og önnur kreppa skollið á því er betra að báðar okkar stærstu útflutnigsgreinar séu svo sterkar að ef önnur fellur geti hin fleytt okkur yfir erfiðustu tímana meðan leitað er að öðrum tækifærum. Olíuhreinsistöð á vestfjörðum er líka tækifæri sem vert er að skoða.

Stóriðjustefnan felur líka í sér fórnir, Fórna þarf dýrmætum landsvæðum undir virkjannir raflínur og stóriðju. En þess ber þó að geta að við höfum ekkert með þau landsvæði að gera þegar enginn hefur efni á að njóta þeirra. Því verðum við að leggja niður allt sem heitir umhverfismat og svoleiðis munað. Það er allt í lagi að vera með einhverja umhverfisstefnu sem passar upp á að við eyðileggjum ekki gjöfular náttúruauðlindir en við höfum ekkert efni á því að spá í sjónmengun á einhverjum stöðum sem enginn hefur efni á að sjá.

Komandi kynslóðir verða ekki til ef þessi kynslóð lifir ekki af. Styrkur Íslands felst í Orku og fiski þetta eru ekki ótakmarkaðar auðlindir því ber að passa upp á að ofveiða ekki fiskistofna sem eru breytilegir frá ári til árs. En það vatn sem rennur óvirkjað til sjávar er glötuð auðlind og ég mæli því með því að allar sprænur landsins verði virkjaðar og reist verð stóriðja við hvern fjörð sem byggilegur er.

Upp með stóriðjustefnuna og niður með umhvefiskjaftæðið. Hver veit nema að stórasta land í heimi verði nægjanlega stórt að pláss verði aftur fyrir ofurlaunabullara án þess að þeir þurfi á útrás að halda. Áfram Ísland.


Offari yfirgefur austurland.

Nú er því miður staðan orðin sú að líklega mun Offari þurfa að yfirgefa austurland. Ástæðan er húsnæðisskortur. En húsaleiga á austurlandi er langt yfir mína greiðslugetu og er mér ljóst að ég get lifað á mun lægri launum á norðurlandi því leiguverðsmunurinn bætir tekjutapið.
mbl.is Íbúðalánasjóður leigir út 34 íbúðir
Tilkynna um óviðeigandi tengingu við frétt

Ég vil ekki ganga í Evrópusambandið.

Hagkvæmni stærðarinar hefur verið ein helsta ástæða sameiningar útgerðarfyrirtækja og sveitarfélaga. Og nú vilja menn líka sameina Ísland við Evrópu vegna hagkvæmni stærðarinar. Ég ætla ekkert að bera á móti því að smæð okkar þjóðar er óhagkvæm en er stærðin eitthvað hagkvæmari?

 

Útgerðarfélög stækkuðu mikið í þeim tilgangi að hagkvæmara var reka stærri einingar. Mörg minni útgerðarfélög létu glepjast enda var sameinigin fólgin í því að þau fengju hlutdeild í stóra pakkanum. Hver er svo niðurstaðan? Smærri útgerðarpláss hafa verið lögð niður og stærri plássin fengu að halda lífi.  Hver var þá ávinningur fyri minni aðilana við það að sameinast þeim stóru?

 

Sameining sveitarfélaga átti líka að auka hagræðingu. Það undarlega að þá voru lítil og lítið skuldsett sveitarfélög sameinuð stórum og skuldsettum sveitarfélögum. Ávinningurin var eitt stórt og meira skuldsett sveitarfélag. Hver var þá ávinnigur minni sveitarfélagana að sameinast þeim stóru?

 

Ef Ísland sameinast Evrópu hver verður þá ávinningurinn?  Ég er hræddur um að það verði svipuð niðurstaða stórir gleypa þá litlu semsagt enginn ávinningur fyrir lítil lönd.  Ég er ekki tilbúinn til þess að fórna mínu litla landi í kjaft stóru landana ef ávinningurinn er enginn.

 

En er smæð okkar virkilega svona óhagstæð? Einhver sagði mér að smábáta útgerð væri mun hagstæðari en togara útgerð.  Sé það rétt þá getur einfaldlega verið hagkvæmara að vera smár.  Lítil sveitarfélög voru oft á tíðum rekin mun betur en stór sveitarfélög . Stórir bankar hrundu meðan margir af litlu bönkunum lifðu af. Þetta segir mér einfaldlega að smár getur verið klár.

 

Ég verð samt að viðurkenna það að smæð krónunar hefur reynst okkur dýr biti í hinum stóra heimi. En hef samt trú á að hún eigi sér aftur lífsvon því ég tel að hún hafi einfaldlega falli fyrst í hruni gjaldmiðlana og að fleiri gjaldmiðlar muni falla. Því er ég á því að smæð krónunar muni auðvelda upprisu hennar og virðingu.

 

Bestu rökin fyrir inngöngu í Esb er að samstaða þjóðana kemur í veg fyrir stríð.  En ég vill hinsvegar ekki fylga þeirri samstöðu sem aðrar Evrópusambandsþjóðir þurftu að fylgja þegar Bretar settu á okkur hryðjuverkalög.  Það fylgja því bæði kostir og gallar að ganga í Esb Ég er ekki fylgjandi aðild og set því gallana ofar en kostina. 

 

Ég vona bara að mér sé fyrirgefin neikvæðnin,  Ég  sé líka kosti en neikvæðni mín drepur þá alltaf niður en fari svo að þjóðin velji þann kost að ganga í Esb verð ég einfaldlega að lúta vilja þjóðarinar og nýta mér þá kosti sem Esb gefur okkur frekar en að eyða orku í að gráta ókostina.

 

Það eiga allir rétt á að segja sína skoðun um þetta mál án þess að þeir sem séu aðild fylgjandi séu sagðir vilja selja sjálfstæðið eð þeir sem eru á móti séu sagðir fylgjandi spilltum stjórnmálum  eða Líú. Ég tel að flestir sem eru með og á móti skoði kosti og galli en ekki hvað þeirra flokkur segi þeim að gera. Mér leiðist að þurfa útiloka einn stjórnmálaflokk frá atkvæði mínu vegna stefnu sem kemur pólitik ekkert við.


mbl.is Efnahagsleg rök duga ekki til
Tilkynna um óviðeigandi tengingu við frétt

Atvinnusköpun stjórnmálaflokkana.

Kosnigarbaráttan þessara kosninga byggist ekki á loforðum sem þarf að svíkja heldu á því að rægja hvern annan niður. Fyrsta sprengjan er fallin og nú þarf sjálfstæðisflokkurinn að senda frá sér svarsprengju til að geta bent á að hinir flokkarnir eru bara ekkert betri valkostur en þeir.

 

Ég reikna með því að sú sprengja falli á Samfylkinguna en þetta stríð mun eingöngu fella fylgi hvers annars. Bombur munu ganga í víxl á milli flokka og ringulreiðin mun á endanum fella flokkakerfið.  Það gildir nefnillega sama reglan um flokkana og um bankana. Ef einn flokkur fellur falla aðrir með.

 

Auðvaldið þurfti að baktryggja sig til að tryggja að stjórnvöld ynnu ekki gegn þeim. Þetta var gert með því að styrkja flokkana. Styrkirnir voru hafði það háir að flokkarnir máttu ekki við því að missa þá. Þannig tryggði auðvaldið sig. En þegar auðvaldið féll föttuðu menn að þetta var ekki í lagi.

 

Vandamálið var hinsvegar það að það var bara of seint að átta sig þegar búið var að falla í gildruna. Yfirklór sjálfstæðismanna finnst mér vera stórundarlegt getur það virkilega verið að engir hafi vitað af þessum peningum? Halda sjálfstæðismenn virkilega að þjóðin trúi þessari þvælu?

 

Við getum aldrei verið vissir um hvort slíkum greiðslum hafi fylgt einhver hvöð svo trúverðuleiki flokkana er fallinn flokkakerfið er fallið. Búmm búið spil. Nú stendur því val þjóðarinar ekki lengur um stefnur heldur trúverðuleik. En þegar engum er hægt að treysta hvað á þá fólk að kjósa?

 

Ég tel ólíklegt að VG hafi tekið við stórum fjárhæðum en ég vill ekki vinstri stjórn. Frjálslyndir virðast óspilltir en  vantar alla reynslu stefnan finnst mér óljós og snúast mestmegnis um kvótakerfið. Borgaraflokkurinn snýst að mestu leiti um stjórnarskrárbreytingar sem vissulega er þörf á.

 

Lýðræðisflokkurinn er styrktur af Ástþóri og þarf því trúlega að fara eftir hans skilyrðum. Úrvalið er því ekki spennandi eftir flokkahrunið. Því tel ég nauðsynlegt að einstaklingsframboð verði lögleitt með hraði fyrir kosningar því fallnir flokkar hafa fullt af frambærilegum frambjóðendum í ónýtum flokkum.

 

Mér er bara spur hvort til séu nægir pennar í landinu fyrir kosningarnar í vor því ég hef trú á að mikið verðu um útstrakanir í komandi kosningum. En grátið í því það verður atvinnuskapand að yfirfara alla útstrikuðu kosningarseðlana, segið svo að stjórnmálaflokkarnir geri ekkert í atvinnusköpum hér á landi.


mbl.is Njótum góðra verka ríkisstjórnarinnar
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband