Hvað tekur við?

Ég spá því að nú sé stutt í kosningar. Hvað tekur við er óljóst þjóðin er leiðtogalaus og efnahagsástandið skánar ekkert við það að kjósa einhverja aðra ríkisstjórn.  Hinsvegar mun næsta ríkisstjorn vinna fyrir fólkið í landinu tala við fólkið í landinu og greina frá stöðuni.

 

Næsta ríkisstjórn mun vita að fólk vill ekker t leynimakk flokksvinagreiða eða sótsvart svínerí. Næsta ríkisstjórn veit að hún verður að vinna fyrir fólkið í landinu ef ekki fær hún bara spark í rassinn og aftur þarf að kjósa. Ég veit ekki hvað við þurfum að kjósa oft til að frambjóðendur skilji vilja vinnuveitanda sinna.

 

Ég vona bara að það sé auðskilin krafa að fólkið vill að unnið sé í þágu þjóðar sem vill að réttlætið sé forgangsatriði.  Það er ekkert réttlæti í því að láta brotamenn ganga lausa meðan fórnarlömbin eru fangelsuð.  Með von um að nýtt Ísland rísi brátt.

Athugasemdir

[Offari, 21.1.2009 kl. 12:09]

Efnahagsástandið lagast ekki fyrr en ríkistjórnin fær traust fólksins í landini til að gera þær umdeildu aðgerðir sem þarf að gera í þessu ástandi. Því finnst mér betra að borga starfslokasamningana en að sitja upp með stjórn sem hefur lítið traust.

[Hólmdís Hjartardóttir, 21.1.2009 kl. 15:57]

Utanþingsstjórn strax...kosingar eftir nokkra mánuði

[Jakobína Ingunn Ólafsdóttir, 21.1.2009 kl. 16:41]

Það getur varla orðið verra.

[Þór Ludwig Stiefel TORA, 21.1.2009 kl. 18:30]

Sammála Hólmdísi.

Annars þarf að bylta kerfinu, það er ekki nóg að skipta um fólk eða flokka.

Beint lýðræði strax - ég hef ritað útfærslu á slíku fyrirkomulagi á m.a. bloggið mitt og http://lydveldisbyltingin.is

Það þarf að hugsa allt upp á nýtt - það er það jákvæða við ástandið í dag.